مواطنون كويتيون لم يحصلوا على المواطنة

شدني استفتاء مسويه موقع حركة الكويتيين البدون الاستفتاء كالتالي :

هل البدون ؟

	مواطنون كويتيون لم يحصلوا على المواطنة
	يستحقون الجنسية اكتسابا

وأكيد الجواب الصحيح مواطنون كويتيون لم يحصلوا على المواطنة والجنسية في وقت التجنيس

عنوان الحركة اهوا http://www.kuwbedmov.org

البدون لديهم جوازات لدول أخرى وجذبة جحا !!

من أسهل الأمور إنك تتبلى على غيرك وخصوصا لما تكون غير مطالب بدليل هذي اللغه اللي يستخدمها دايما العنصريون
والمشكله وايد ناس يتجاوزون الأدله ويصدقون نسوا إنه المتهم بري حتى تثبت إدانته ونسوا إنه ماكو دليل وإنه هذا مجرد كلام وبس .

يقولك مره جحا يبي ينام ومو قادر والسبب اليهال اللي يلعبون بالسكه طلع لهم وقال إنه الشارع اللي ورانا يوزعون فيه أكل وحلاو
بعد شوي جحا شاف الشارع فضا قال يمكن صج الشارع اللي ورانا يوزعون فيه أكل وحلاو وراح للشارع الثاني .

الحكومه جذبت جذبه بأنه البدون عندهم جنسيات وجوازات لدول مجاوره ولما شافت العنصريين وناس من المجتمع صدقوهم من غير دليل
صدقت الحكومه السالفه !!!!


صورة جحا وحماره تذكرني ببطىء الحكومه بحل المشاكل بس خوفك من الحمار اللي يعاند وما يمشي وما يبي يمشي مثل حمار جحا .